Тіпті үй мысығында да паразиттер болуы мүмкін. Оны емдеу үшін оның негізгі белгілерін білу керек.
Әдетте аурулар клиникалық белгілермен байқалады. Олардың кейбірі анық, басқалары — онша байқалмайтын, ал кейбіреулері — әдеттен тыс болады.
Жіті белгілер айтарлықтай айқын байқалады. Оларға жатқызылатындар: лоқсу, диарея, әлсіздік, су мен тамақтан бас тарту, жөтел, түшкіру, көздегі былшық, демікпе, қатты қышыну, құлақтан шыққан бөлінділер, жаңа өскіндердің пайда болуы, ұзақ іш қату, несеп шығара алмау, қозғалыс үйлесімдігінің бұзылуы, дене қызуының артуы. Егер мысықта бір немесе бірнеше белгі пайда болса, шұғыл ветеринарлық емханаға жүгіну керек.
Кейбір аурулар онша байқалмайтын белгілермен өтеді — ауру созылмалы немесе баяу өтетінімен сипатталады. Байқалмайтын белгілерге жатқызуға болатыны: ара-тұра лоқсу, біртіндеп салмақ жоғалту немесе жинау, тәбеттің төмендеуі немесе артуы, әдеттерінің өзгеруі, белсенділігінің сәл төмендеуі және шаршау. Созылмалы ауруларды уақтылы анықтау үшін жыл сайын мысықты ветеринарға көрсетіңіз. 7 жастан асқан кезде байқалмайтын ауруларды анықтау үшін қан мен несеп анализдерін тапсырған дұрыс.
Көптеген аурулар әдеттен тыс көрінуі мүмкін және жүріс-тұрысының бұзылуы немесе «кеселді мінез» ретінде дұрыс қабылданбауы мүмкін. Әдеттен тыс белгілердің арасынан келесілерді белгілеуге болады: дәретхана ыдысын пайдаланғысы келмеуі немесе үнемі тыйым салынған жерде кіші дәретке отыруы, түнде артық белсенділік таныту, кенеттен себепсіз агрессияның пайда болуы, қожайынымен ойнағысы келмеуі, физикалық байланыстан қашқақтау, тығылуға тырысу және жасырын жерлерде уақыт өткізу. Мұндай белгілердің себебі несеп шығару жолындағы инфекциялар, гормондық аурулар, қант диабеті, артриттер, созылмалы бүйрек жетіспеушілігі болуы мүмкін.
Мысық өзін жайсыз сезінгенде ол өз белсенділігін төмендетуге тырысатынын және мүлдем қозғалмайтынын есте сақтаңыз. Мысық ауырса, оның мияулағанын немесе айқайлын естуіңіз екіталай. Егер сіз жануарыңыздың жүріс-тұрысында өзгерістер байқасаңыз — ол сізді қарсы алмаса немесе ойнамаса, онда оны клиникаға апарған дұрыс.
Мысықты үнемі өз бетіңізбен қарап отыруға кеңес береміз. Көзі мен тұмсығының тазалығы мен мөлдірлігін, жүні мен тырнағының жағдайын тексеріңіз, құлағы мен аузын қараңыз, қызыл иек пен шырышты қабаттарының күйін қараңыз, тістерінде өңез немесе тас жоқ па, мысықтың бүкіл денесін, соның ішінде қабырғасы мен омыртқасын қарап ұстап көріңіз. Мысықтың барлық сүт бездерін қараңыз, аяқ қолын буындарға бүктеп көріңіз, жастықшаларын басып көріңіз, құйрық астындағы органдарды қараңыз, ақырындап саусақпен бүкіл омыртқасы мен құйрығынан жүргізіп шығыңыз. Мысықтың белсендігін және оның тәбетін қадағалаңыз, ыдыстағы нәжіс мөлшерін және сапасын тексеріңіз. Ең болымсыз нәрселер мысықтың ауырғанының белгісі болуы мүмкін. Егер мысықтың денсаулығына қатысты шағын болса да, күмәніңіз бар болса, ветеринарға жүгініңіз.
Тіпті үй мысығында да паразиттер болуы мүмкін. Оны емдеу үшін оның негізгі белгілерін білу керек.
Үй жануарыңызға бүрге жұқтыру үшін міндетті түрде үнемі далаға шығу қажет емес. Мысықты бүргеден тазарту үшін оны қалай анықтау керектігін білу керек.
Ұрғашы мысыққа немесе еркек мысыққа операция жасау керек пе, емшараның өзі және операциядан кейінгі күтім туралы нені білген маңызды.